Papulex Gel 重點淨化精華

夏天到臨，痘痘的煩惱又來了。不知大家有沒有這個煩惱？我就有啦~仲要好搞笑地生係頭髮掂到的地方，明明冬天我都這樣散髮，反而夏天才會生暗瘡......

所以夏天暗瘡膏是我的必備

最近收到Papulex Gel 重點淨化精華$249/40ml。第一次接觸Papulex的產品，Papulex 是專for暗瘡性皮膚的護膚產品。Papulex能3重截擊暗瘡肌膚︰

1/消炎︰Paplulex產品都含有Nicotinamide維他命B3，有效消炎，改善皮膚質素。去暗瘡印，使膚弝均勻

2/隔菌︰Paplulex含有EU歐盟專利 - Active ABA科研技術，ABA有效隔離達82%痤瘡桿菌，阻止痤瘡桿菌於皮膚上滋生

3/控油︰ Paplulex含有Zinc PCA納米鋅，高效控油，平均油脂分泌

網上搜尋資料，Paplulex經臨床實證，99%皮膚醫專科醫生證實有效。那麼利害！？

先看看Papulex Gel 重點淨化精華的質地，透明GEL狀質地,清爽透薄

看看我可憐的左頸和右面，奇怪暗瘡不停地生張在這2個位置。
用法︰早上和晚上清潔皮膚後可塗上Papulex Gel 重點淨化精華。因為質地清爽，塗上後可馬上化妝。而且不會引致光敏感，早上用也不怕。
晚上我會厚敷，我要殺死d暗瘡。
Papulex Gel 重點淨化精華不會引致脫皮或皮膚乾燥，所以厚敷都不怕。



















用了一星期，暗瘡印淡了，暗瘡沒有新長出。希望我能有完好的皮膚。

後記︰本身一連3日假期很爽，誰知一直下雨。算吧，留在家中收拾下都好。誰知病咁多日，昨天還發燒.....唔通連個天都唔鐘意我.....

20141116我們的大日子

近這2年，我可以說是不稱職的blogger，會推活動，交文不太準時。原因是我正式已為人妻，有全職工作，放工要煮飯....有時沖完涼休息一下，就己到12點......根本沒精神再開電腦寫文。

而活動如在平時舉行就更無法參加。

有少少離題.....我只是想將結婚當天的照片放出，blogger都不一定只出試用文，我也想放生活文

化妝師是Kathy，是barbie wedding的化妝師，她化得我好靚，妝又貼，眼睫毛又貼得好。基本上完，媽咪一幫我著掛就喊啦~好彩眼睫毛無飛角，唔係唔知點捱到酒樓

我們的主車，$3000得4個鐘，好貴，不過特別d。老公是貨van 的，本來想用貨van 做主車，佢話唔好喎...唔好咩？貨van 咪仲特別...又唔洗錢

手花及花球都係老公痴的，仲有襟花，不過無影到襟花。

我根本就係行可愛路線........

掛﹑，婚紗，2套晚禮都是barbie wedding，我挑的都是以可愛為主，高貴的我襯唔起。如果婚紗拖尾唔洗加錢就好啦~我為左慳錢而唔加拖尾，其實拖尾靚好多~

人數少，好彩都搵到酒樓，不過某d原因都坐唔哂，早知訂另一間再少人數d...唔係早知我唔擺酒，我鐘意西式行教堂，雖然我唔係教徒，但都想好似公主咁行一次教堂。影結婚相仲未有個種感覺，滿足唔到我。

盒花係公司送的，我好鐘意哩間公司，老闆唔鐘意人加班，見到d同事工作盡力，盡時放工，個個都結婚生仔就最好，哩d公司邊度搵呀~

繼續童話，唔要花爆，改用泡泡，連小朋友都玩得，一路進場佢地一路玩，幾好~我根本就係小朋友

盡量唔想我老公出鐘，這是朋友影的，攝影師影既就會見到個效果~我就係唔鐘意老套，邊個話結婚一定要點要點。我結婚，我比錢，我話事！

結婚介指，特價時買的，平野，但我係唔會除！因為佢既價錢就係我同我老公既承諾和愛！唔係用錢來衡量！

這套是阿姨借比我的，我先可以慳返一套衫！好靚呀~DKNY collection，如果我爸爸媽媽再開通d，我會借多套黑色！

一日要喊幾多次？笑幾多次？唔識計啦~朝早媽咪同我著掛喊啦~之後成朝都笑。到酒樓簽名喊啦~要我講多謝又喊啦~~到蒺酒時，老公又比suprise我又喊啦~99支玫瑰加唱歌。要我一個人企係台上唔知做乜...可能得我一個唔知發生咩事，心里仲鬧佢食乜煙呀~~哈哈哈~~

可以我點解要多謝我個化妝師，因為次次唔夠5分鐘我就喊啦~

仲要多謝我個仔，嚇到佢呢~~我唔記得抱住你合照一張。

仲有囡囡，剛好離開一年，我當時仲幻想你地2個會係我結婚個日跑來跑去，好熱鬧。估唔到你咁就走左，無左你，臭豬都細膽左......

咪咪之密語 胎盤水療保濕面膜

早前收到咪咪之密語 胎盤水療保濕面膜。咪咪之密語 胎盤水療保濕面膜由15位空中服務專業人士甄選脫穎而出。89%測試者認為使用產品4星期後肌變得幼滑，飽滿和充滿光澤。

咪咪之密語 胎盤水療保濕面膜成份包括有水溶性馬胎盤萃取物，神經酰胺，Ubiquinone Q10，和大豆精華。

咪咪之密語 胎盤水療保濕面膜 是一款睡眠面膜。每天晚上於塗抹精華及面霜後，使用一包份量的咪咪之密語 胎盤水療保濕面膜。在額頭﹑雙額﹑鼻子和下巴塗上薄薄一層(一包的份量頗多，全包用完，並不是薄薄的....)

將面膜由內至外推開，把雙手的拇指太陽穴，無名在印堂 (簡單來說就是用雙手輕輕按壓面部5秒)

咪咪之密語 胎盤水療保濕面膜 質地有點黏黏，雖說是睡眠面膜，但都要等到面膜被皮膚吸收才能進睡。

我是隔天使用，雖然一包的份量滿多，但我還是按照指示，乖乖地全塗在面上。用完4包後，皮膚變得超好，充滿彈性，連暗瘡疤痕都不見啦~

咪咪之密語 胎盤水療保濕面膜 是來自日本，在那裡可以買到？請到Carrie Carries petite shop 銅鑼灣開平道5-5A號G/f G59鋪。